Poesia di Eduardo De Filippo
Trase p' 'a porta,
pè nu fenestiello,
pè na fenesta, si t' 'a scuorde aperta,
quanno meno t' 'aspiette.
Pè copp' 'e titte,
da na loggia a n'ata,
se ruciulèa pè dint' 'a cemmenera.
E manco te n'adduone
quann'è trasuta:
Pè copp' 'o curnicione
plòffete!, int' 'o balcone,
e fa colazione
dint' 'a cucina toia.
È 'a gatta d' 'o palazzo.
Padrone nun ne tene.
Nunn' è c ' 'a vonno male,
ma essa 'o ssape
che manc' 'a vonno bene.
Te guarda cu dduie uocchie speretate:
lèsa.
N'ha avute scarpe appresso e ssecutate.
È mariola!
Ma 'a povera bestiella, c'adda fa?
È maríola pecché vò mangià.
È mariola...
Chest' 'o ddíce a' ggente;
ma i' nun ce credo, pecché, tiene mente:
tu lasse int' 'a cucina, che ssaccio...
nu saciccio.
Làsselo arravugliato
dint' a na bella carta 'e mille lire.
Tuorne 'a matina:
'a mille lire 'a truove, che te crire?
Nzevata. Ma sta llà.
Che bella poesia.
RispondiEliminaNon c'è amore comparabile a quello che ci donano i nostri amici quattrozampe. Non riuscirò mai a capire come qualcuno possa maltrattarli e abbandonarli. Più conosco l'essere umano e più preferisco gli animali.
Bellissima, è vero! Il loro amore non può essere comparabile perchè è disenteressato, semplice e puro...un cane ama il suo padrone anche se gli fa del male perchè non conosce l'odio....
RispondiEliminaGrazie Ruby!